Билбау көрәше буенча республика ярышында әлкилеләр – өченче

Билбау көрәше буенча Буада узган республика ярышында безнең район командасы призлы өченче урынга лаек булды.

Республика бәйгесендә Никита Хәйруллин (75 килограммга кадәр үлчәмдә) икенче урынны яулады. Ә Рәмзил Абдуллин (62 кг), Раил Шигапов (75 кг), Рәсим Әхмәров (82 кг) өченче урыннарны алдылар. Яшь спортчылар тренерлар Рәмис Вафин һәм Илдар Әхмәров кул астында шөгыльләнә.