Әлки һәм Спас районнарының хәрби комиссары вазифасына Марат Гыйльметдинов билгеләнде

Марат Хәйдәр улы 1981 елда туган. Өйләнгән, хатыны белән 2 бала үстерәләр. 

2005 елда Казан филиалы булган Чиләбе танк институтын тәмамлаган. Взвод командиры, соңрак Казан югары хәрби-команда училищесында (Хәрби институт) курсантлар ротасы командиры, Татарстан таможнясында аеруча мөһим эшләр буенча оператив хезмәткәр вазифаларын башкарган. 
2022 елның 25 октябрендә өлешчә мобилизация кысасында махсус хәрби операциягә юлланган, анда мотоукчылар полкының хәрби-сәясәт эше буенча командир урынбасары булган. 

Дәүләт бүләкләре бар: “Батырлык өчен”; “Һәлак булу чигенә  җитүчеләрне коткарган өчен”; “Жуков” медале; “Татарстан Республикасы алдындагы казанышлары өчен” ордены медале; Татарстан Республикасы Рәисе Рәхмәте.