Әлки районы соңгы язгы ярминкәдә катнашты
Районыбыз хезмәткәрләре узган шимбәдә Казанның Дәрвишләр бистәсендә язгы ярминкәнең соңгысын үткәреп кайттылар.
Авыл җирлекләре халкы, фермер хуҗалыклары, “Кызыл Шәрык-Агро” һәм “Хузангай” җәмгыяте катнашында узган ярминкә бу юлы да гөрләп узды. Кала халкына 1 миллион сумлык товар сатылган.
Район авыл хуҗалыгы һәм азык-төлек идарәсе җитәкчесе Роберт Гадиев әйтүенә караганда сәүдә накталарыннан халык сөт һәм сут ризыкларын, ит, кош-корт түшкәләрен, йомырка, ярмаларны яратып сатып алган.
Ярминкәдә район мәдәният йорты хезмәткәрләре күңелле җырлар яңгыратып, халыкның кәефен күтәргән. Киләсе ярминкәләр игеннәр, җиләк-җимеш, яшелчә өлгергәч – сентябрьдә дәвам итәчәк.
Следите за самым важным и интересным в Telegram-каналеТатмедиа
Нет комментариев