Әлки районында диктант гимназиядә яздырыла
3 сентябрьдә көндезге сәгать 14.00 дә Бөек Ватан сугышы вакыйгалары темасына Татарстан Республикасының барлык шәһәр һәм районнарында “Җиңү диктанты” дип исемләнгән халыкара тарихый диктант яздырыла.
Үз белемен теләгән һәркем тикшереп карый ала. Диктант язу өчен, Базарлы Матакның Нәби Дәүли исемендәге гимназиясенә килергә кирәк. Моның өчен алдан диктантпобеды.рф сайтында теркәлү зарур.
Диктант онлайн форматта да яздырыла. Моның өчен дә алда күрсәтелгән сайтта теркәлү мөһим. Диктанттан тыш, бирем дә булачак – ул 25 сораудан торып, тестны хәтерләтә. Аны үтүгә дә алдан гариза тапшыру зарур.
Диктант язылуга теркәлү 3 сентябрьгә 14.00 сәгатькә кадәр дәвам итәчәк. Нәтиҗәләр исә 2022 ел ахырында мәгълүм булачак.
Следите за самым важным и интересным в Telegram-каналеТатмедиа
Нет комментариев