“Әлки хәбәрләре” газетасының баш мөхәррире хезмәттәшләрен Матбугат көне белән котлый.

Хөрмәтле хезмәттәшләрем, өлкән буын ветераннарыбыз, хәбәрчеләребез, массакүләм мәгълүмат чаралары дөньясы белән бәйле райондашларыбыз!
Сезнең барыгызны да әлеге бәйрәм белән ихлас котлыйм. Вакытлы матбугат үсешенә керткән өлешегез, һөнәрегезгә булган тугрылык һәм  үтә җаваплылык хисе тоеп эшләвегез, дөрес, кирәкле  яңалыкларны вакытында укучыга җиткерергә тырышуыгыз өчен рәхмәт сезгә!
Алга таба да иҗат чишмәләрегезнең саекмавын, кыю идеяләр, матур хыяллар белән яшәвегезне телим.
Материалларыбыз, язмаларыбыз һәрвакыт актуаль, гадел булып, һәр йортта көтеп алынсын, тугры укучыларыбыз артып торсын!