“Әлки хәбәрләре” район газетасына язылучылар арасында лотерея уйнатылды

20 гыйнварда редакциядә чираттагы уен үткәрелде. Бу юлы газета укучыларыбыз “Әлки хәбәрләре”нә язылуларын раслаган 330 дан артык квитанция күчермәсен юллады. Уенда газетага 6 айга язылучылар катнашты. 

Барлыгы 12 приз уйнатылды, алар арасында төп бүләк – электр иттарткычы иде. 

Кар көри торган көрәк Базарлы Матакта яшәүче Рафаэль Ибәтуллинга чыкты, икенче көрәкнең иясе Иске Камканыкы Әнисә Низамова булды. Идән үлчәвен – Апактан Рәмзия Хәбибуллина, пычкыны – Чиябаш авылыннан Резидә Хәйруллина, термосны – Базарлы Матактан Сәлихҗан Насыйбуллин, электр чәйнеген – Базарлы Матактан Фәүзия Зәйдуллина, үтүкне – Базарлы Матактан Нурия Дәүләтшина, киез итекләрне – Татар Борнаеннан Илмир Хәлилов, тостерны – Югары Әлморзадан Азат Зарипов, “Кукмара” табасын Базарлы Матактан Фәрид Нигъмәтҗанов отты. Электр бораулагычны Карамалы авылында яшәүче Илнур Сәлаховның алып китәчәге ачыкланды. Төп приз – электр иттарткычын уйнатканда, Борискино авылында яшәүче Валентина Арнаковага бәхет елмайды. 
Әлеге әбунәчеләребезне котлыйбыз һәм редакциягә килүләрен көтәбез. Аларга бүләкләр эш көннәрендә бирелә. Моның өчен паспортны күрсәтү генә сорала.