Бу атнаның шимбәсендә – 21 июльдә районыбыз делегациясе Пензада Сабан туе үткәрүдә катнашачак.
Бездән 600 чакрым тирәсе ераклыкта булган әлеге шәһәргә татар халкының милли бәйрәмен үткәрергә районыбыз җитәкчеләре, мәдәният хезмәткәрләре, спортчылар барырга әзерләнә. Алар юлга җомга көнне үк кузгала. Татарстан хөкүмәте карары нигезендә дистә елдан артык инде районнар Россиянең татарлар яшәгән төбәкләрендә сабан туе үткәрергә ярдәм итә. Әлкилеләр дә һәр елны чит төбәкләрдә бәйрәм оештыруда үз өлешләрен кертә. Безнекеләр берничә мәртәбә Пенза Сабантуенда да булдылар инде.
Нет комментариев