ХАЛЫК ҖЫРЧЫСЫ – РАЙОНЫБЫЗ ГОРУРЛЫГЫ

Мирсәет Сөнгатуллин татар халык җырларын башкаруы белән танылды. Ул халкыбызның милли музыкаль мирасын тор¬гызу өчен бик күп көч куя, халык иҗатының чын җәүһәрләре бул¬ган, күбесе оныты¬лган көйләрне табып, эшкәртеп, тамашачыга җиткерә. 
Ә бу концертта Мирсәет Сөнгатуллин якташлары хозурына күбрәк яңа җырлар, эстрада әсәрләре алып килгән иде. 
Мирсәет абыйны егет чагыннан бирле беләм. 80 нче елларда мин Казан дәүләт уни¬верситетында укыганда ул яңарак кына консер¬ватория тәмамлап, Муса Җәлил исемендәге опе¬ра һәм балет театрында эшли иде. Белгәнебезчә, җыр сәнгатенә ул урау юллар аша кил¬де. Туган авылы Татар Борнаенда мәктәпне тәмамлагач егет башта төзелешләрдә эшли, солдат хезмәтендә була. Аның табигый талан¬тын, җырга-моңга хи¬рыслыгын күреп алып, консерваториягә белем алырга чакыралар. 
Р е с п у б л и к а д а гына түгел, бөтен та¬тар дөньясына таны¬лган мәшһүр артист булуына карамастан, Мирсәет абый бик гади, ихлас кеше. Ул ту¬ган төбәген бик ярата, еш кайтып йөри, район хәлләре белән гел кы¬зыксынып тора. 
Менә 35 ел инде без Мирсәет абый белән аралашып яшибез. Мин аның Казанда да, үзебездә дә бер генә концертын да калдыр¬маска тырышам. 
Х ә т е р е м д ә , якташыбызның 60 яшьлеге уңаеннан үткәрелгән юби¬лей тамашасы Ка¬занда С.Сәйдәшев исемендәге Зур кон¬цертлар залында узды. Аны республика җитәкчеләре, танылган артистлар, компози¬торлар, шагыйрьләр котладылар. Без дә районнан зур деле¬гация булып бардык, сәхнәгә күтәрелеп җылы тәбрикләүләр ирештердек. “Бу бит безнең Әлки егете” дип, чын күңелдән горурла¬нып утырдык. 
Мирсәет абый җыр сәхнәсендә мода артыннан кумады. Әйткәнебезчә, ул иң җаваплы, иң катла¬улы юнәлештә эшли – халык җырларын та¬машачыга җиткерә. Мирсәет Сөнгатуллин 200 дән артык татар халык җырын туплап, альбом яздырды. Бу гаҗәеп зур һәм бәһасез хезмәт. Җырчының әлеге күпьеллык фи¬дакарь эше лаеклы бәяләнде – аның исеме Россия һәм Бөтендөнья рекордлар китаплары¬на кертелде. 
Яңа гына районда узган концертка улы Алмаз Сөнгатуллин да кайткан иде. Алмаз Мәскәү консервато¬риясен кызыл диплом белән тәмамлаган. Инде аспирантурада укуы да төгәлләнеп килә. Әлки тамашачы¬сы аны бик яратып кал¬ды. Милли җанлы, бик тыйнак һәм талантлы егет татарча да, русча да җырлар башкарды. Әле аның чит телләрдә оста җырлавын да беләбез. Бүген Алмаз Мәскәү опера театрын¬да эшли. 
Алмазның тавышы көчле, чын ирләрчә – көр һәм моңлы. Әле алга таба без бу талан¬тлы якташыбыз белән дә чын-чынлап горур¬ланырбыз. 
Мирсәет һәм Алмаз Сөнгатуллиннарның берлектә яздырган “Йөрәк моңы” дигән дисклары да дөнья күрде. 
Концертта та¬гын бер якташыбыз, төгәлрәге, Әлки килене Энҗе Шәймурзина да чыгыш ясады. Энҗе күп кенә җыр конкурсла¬ры җиңүчесе. Ул тыш¬кы кыяфәте белән дә, моңлы тавышы белән дә халкыбызның леген¬дар җырчысы Әлфия Авзалованы хәтерләтә. Энҗе Мирсәет Сөнгатуллинны үзенең укытучысы, остазы дип саный икән. 
Билгеле, концерт гел җырлардан гына тормады. Нәфис сүз остасы Рәфис Мотый¬гуллин бик мәгънәле шигырьләр укыды, көлдерде һәм уйлан¬дырды. Бик шәп кон¬ферансье икән үзе. 
Концерт барышын¬да район башлыгы урынбасары Рәшит Билалов Мирсәет Сөнгатуллинга Та¬тарстан Дәүләт Со¬веты Рәисе Фәрит Мөхәммәтшин имзала¬ган Рәхмәт хатын тап¬шырды. 
Халкыбызның та¬нылган җырчысы Мирсәет Сөнгатуллинга районыбыз данын юга¬ры күтәрүе, Әлкинең горурлыгы булып сәнгатькә хезмәт итүе өчен рәхмәт сүзләрен һәм чәчәк бәйләмнәрен авылдашы Саҗидә апа Шәйхетдинова (хәзер Түбән Әлкидә яши) һәм Татар Бор¬нае мәктәбе директоры Гөлүзә Минсәгыйрова ирештерделәр. Ә рай¬он мәдәният бүлеге җитәкчесе Рәсимә Гайфуллина бездә үтүче күп төрле чара¬ларда үзенең моңлы җырлары белән кат¬нашуы өчен Мирсәет Сөнгатуллинга ихлас рәхмәтләрен җиткерде. 
Концертта булган һәркем бу тамаша¬дан зур канәгатьләнү алгандыр.