Әлки районы: “Хузангай”да сугару эшләре башланды

Май быел гадәттәгедән эссерәк килде. Әлегә яңгырлар да күренми. Мондый вакытта авыл хуҗалыгында сугару эшләренең мөһимлеге тагын да арта.

“Хузангай”да 2055 гектар мәйданда үсемлекләр ясалма су сиптерү алымы белән игеләчәк. Сугару эшләре өчен җәмгыять территориясендә ике зур буа булдырылды. Аларны Әлки ПМК “Мелиорация” төзеп файдалануга тапшырган иде. Ике буада да зур су запасы тупланган. Хәзер агрегатлар ярдәмендә люцерна үләне басулары һәм соя кырлары сугарыла.