Әлки районы: “Әлки хәбәрләре” редакциясенә каләмдәшләребез килде

Каләмдәшләребез районда иҗат командировкасында  икән. Журналның баш мөхәррире Вячеслав Карпов белән безнең коллективның иҗади дуслыгы күп еллардан бирле килә. Вячеслав Алексеевич профессиональ фотограф та әле. Аның фотокүргәзмәләре Мәскәү, Сочи, Казан шәһәрләрендә булды. Соңгы елларда “Әлки хәбәрләре” редакциясе коридорларын да  Вячеслав Карпов эшләгән өч дистәләп фоторәсем бизи. Алар редакциягә килүчеләрдә зур кызыксыну уята.

Баш редактор белән бергә бездә кунакта якташыбыз (Түбән Кәчи авылыннан), озак еллар Спас районы газетасы баш мөхәррире булып эшләгән Анатолий Самаркин һәм журнал хезмәткәре Ольга Жукова булдылар. Аннан башкала журналистларын район башлыгы Александр Никошин кабул итте.