Әлки районында бүген халык җыеннары башлана

Әлеге җыелышларда район җитәкчеләре, районның төрле хезмәтләре, оешма-учреждениеләре вәкилләре катнаша. Җыеннарда  авыл җирлекләре башлыкларының еллык эш турында хисаплары тыңланачак, авыл кешеләрен кызыксындырган, борчыган сорауларга җавап биреләчәк.

Беренче җыеннар бүген Югары Колчурино авыл җирлегендә була. Түбән Колчурино  авылы мәдәният йортында очрашу – 14.00 сәгатькә, ә Югары Колчурино мәктәбендәге җыелыш 16.00 сәгатькә билгеләнгән.

Иртәгә, 16 гыйнварда, Иске Алпар җирлеге җитәкчелеге узган елгы эшчәнлегенә нәтиҗә ясаячак.