Әлки районындагы “Ләйсән” бассейнына йөрүчеләр артты

Хәзер бакча, хуҗалык эшләре шактый кимеде. Шуңадыр, бассейнга авыллардан килеп коенучылар күбәйде. Бигрәк тә Татар Мулла, Үргәгар, Ташбилге, Карга авылларыннан гаиләләре белән даими йөзәргә йөрүчеләр бар.

Бассейн җитәкчесе Айтуган Вафин әйтүенчә, биредәге суны тиешле службалар даими тикшереп торалар. Әле соңгы тапкыр да “суның сыйфаты әйбәт” дигән бәя биргәннәр. “Ләйсән” бассейны төзек, халык өчен уңайлы эшләсен дип ярдәм итеп торучылар да бар. Эшмәкәр Рафик Зарипов, мәсәлән, тәрәзәләрне караңгылатуда, душларны ремонтлауда булышкан.