Якташыбызга мактаулы исем бирелде

Якташыбыз Илдус Шаһиевка "Татарстан Республикасының атказанган матбугат һәм массакүләм коммуникацияләр хезмәткәре" исеме бирелде. Ул Алпар малае. Шунда урта мәктәпне тәмамлагач, Казан дәүләт университетының журналистика бүлегендә белем алды. Армиядә хезмәт итеп кайтканнан соң, тормышын Минзәлә районы белән бәйләде.

1986 елда ул әле район газетасы редакциясендә эшли башлый. 2000-2007 елларда совхоз директоры, районның почта начальнигы, театр директоры урынбасары булып хезмәт куя. 2007 елдан - "ТАТМЕДИА"ның Минзәлә филиалы җитәкчесе.

Якташыбызны олы, дәрәҗәле исемгә лаек булуы белән котлыйбыз!