Базарлы Матак авылы яшьләре ­– Никита Федонин белән Айсылу Гарифуллина законлы никахлашты

Районыбыз ЗАГСында  бүген бер-бер артлы  никахларны законлы теркәүнең 5 тантанасы булып узды. Мондый күренешнең инде  соңгы елларда булганы юк.
Беренче бәхетле пар 11.00 сәгатьтә язылышып, кенәгәләрен кулларына тотып, җитәкләшеп чыгып китте. Базарлы Матак авылы яшьләре ­– Никита Федонин белән  Айсылу Гарифуллина иде ул.  

Никита Алексеевич махсус хәрби операциядә катнаша. 2024 елдан бирле Ватан сагындагы егет 2 атналык кыска ялы вакытында сөйгәне һәм үзе өчен шундый зур бүләк ясарга кылган карарын тормышка ашырды. Сагынып көтәр кешесе янына сау-сәламәт әйләнеп кайтуын һәм бик бәхетле пар булып яшәүләрен теләп калабыз.