ТР Дәүләт советы депутаты Фоат Вәлиев әлкилеләрне кабул итте

 Әлеге чарада район башлыгы Александр Никошин, депутат ярдәмчесе Гөлнара Гайфуллина катнашты. Фоат Вәлиевичка нигездә юл проблемалары белән мөрәҗәгать иттеләр: Түбән Кәчи, Базарлы Матак, Бибай Чаллысында билгеле бер урыннардагы кыенлыкларда булышуын үтенделәр. Депутат һәркайсын игътибар белән тыңлап, хәл ителәсе мәсьәләләр буенча шунда ук эшкә кереште. Александр Федорович Фоат Вәлевка даими ярдәме өчен район халкы исеменнән зур рәхмәт җиткерде. Бу эшләргә үзара салым акчасы һәм авыллар халкы, район көче дә керәчәген ассызыклады.