Әлки районында кыр кәҗәләре өчен махсус җимлекләр һәм тозлыклар урнаштырылды

 Чуаш Борнае мәктәбенең 8 сыйныф укучылары да, аучылык җирләрендә булып, бу бик тә мөһим эштә катнаштылар.
Яшь урманчылар, өстәмә азык буларак, хайваннарга солы һәм тоз салып чыкканнар. Әлеге чарада районның гадәттән тыш хәлләр бүлеге хезмәткәрләре һәм урманчылар катнашты. 

Биологик ресурслар буенча дәүләт комитеты хезмәткәрләре билгеләп үткәнчә, аучылык ресурсларын саклау максатыннан, мондый акцияләр даими үткәрелә.