Әлки районы мәктәпләрендә дүртенче чирекне дистанцион уку белән башладылар

Беренчедән алып 11 нче сыйныфка кадәр барлык укучылар дүртенче чиректә белем алуны интернет аша дәвам итәчәк. Укыту төрле электрон платформалар ярдәмендә алып барыла. Педагоглар шулай ук  электрон видеодәресләр әзерләгән. Укучылар да, укытучылар да өйдән торып эшләячәк. Район мәгариф идарәсе җитәкчесе урынбасары Сурия Вәлиева әйтүенчә, электрон платформалар файдалануда да, интернет тизлеге буенча да әле проблемалар бар. Биремнәрне телефон ватсабына җибәрү ысулы да киң кулланылачак. Яңа формада белем алуда ата-аналар ярдәме һәм контроле дә мөһим, бигрәк тә башлангыч сыйныфларда укучылар өчен.